Tanobada ibounai ai taia kudima taudia 70 milioni mai kahana idia noho, bona idia momo be saini gado 200 mai kahana amo gado ta idia gaukaralaia. Madi, nega momo taia kudima taudia be haida ese idia kara namo henia lasi. Hegeregere:

•   “Tanobada ibounai ai, taia kudima taudia bona kamonai namonamo lasi taudia be taunimanima ese idia laloa lasi.”​—National Association of the Deaf (U.S.)

•   “Ogogami tanodia dekenai idia noho taia kudima taudia be ogogami momokani taudia, edukeisen, moni gaukara bona infomeisen idia abia diba lasi.”​—World Federation of the Deaf

 Dirava be taia kudima taudia dekenai dahaka ia laloa? Taia kudima taudia dekenai Baibel ena hereva be dahaka? Bona hari Iehova ena Witnes taudia ese edena dala ai idia durua?

Dirava Ena Lalohadai Taia Kudima Taudia Dekenai

 Baibel ese ia hahedinaraia Iehova a Dirava ese taia kudima taudia ia laloa bada. Ia ura taia kudima taudia be maka tamona ai idia kara henia bona ia henia edukeisen amo namo idia abia.

 Baibel siri: “Namo lasi taia kudima tauna oi gwauraia dika.”​—Levitiko 19:14.

 Baibel siri: “Dirava be taunimanima edia toana ia laloa lasi.”​—Kara 10:34.

 Baibel siri: “Iesu be siti bona hanua ibounai dekenai ia lao, . . . . Basileia ena sivarai namona ia harorolaia.”​—Mataio 9:35.

 Baibel siri: “[Iesu] dainai taia kudima taudia idia kamonai bona hereva diba lasi taudia idia hereva.”​—Mareko 7:37.

 Baibel siri: “Kudima taudia do idia kamonai.”​—Isaia 35:5.

 Anina: Iehova ia peroveta taia kudima taudia do idia kamonai.​—Isaia 29:18.

Hari, Iehova Ena Witnes Taudia ese Taia Kudima Taudia Idia Durua Dalana

 Tanobada hegegemadai ai, Iehova ena Witnes taudia ese Dirava ena hereva, helaro ia henia sivaraina unai, idia harorolaia. Edena dala ai unai ai hagugurua? Baibel bona Baibel stadi vidio be saini gado 100 mai kahana amo ai halasia. Danu, Baibel edukeisen bona Keristani hebou be saini gado dekenai ai karaia. Dirava ena heduru idia ura abia taudia totona unai ibounai ai karaia davana lasi. Dahaka dainai? Badina Iesu ena hahegani be: “Umui abia davana lasi, umui henia davana lasi.”​—Mataio 10:8.

 Unai gaudia be onlain ai oi abia diba o emu fon amo oi daonloud diba:

 JW.ORG. Websait ena peij ai gado ena icon oi klik bona oi ura henia saini gado oi abia hidi.

 JW Library Sign Language app. Inai app be davana lasi oi Install totona. Unai amo saini-gado vidio oi itaia eiava daonloud diba.

Baibel Edukeisen Totona Dahaka Gaudia Ai Hegaegaelaia?

 Saini gado Baibel. American Sign Language New World Translation of the Holy Scriptures Baibel be saini gado ai idia hahanaia Baibel ginigunana. New World Translation Baibel be hari kahana sibona o kahana ibounai be saini gado idauidau ai ai halasia, bona lagani ta ta ai gado ma haida dekenai ai halasia noho. (Gado ena lista o onlain ai Baibel itaia totona, maua ladana “ Saini Gado Ena New World Translation Baibel” itaia.)

•   Saini gado Baibel hahanaia totona idia karaia gaukara oi dibaia totona, inai vidio The Complete New World Translation Is Available in ASL oi itaia.

•   Saini gado ai emu Baibel duahiduahi oi hanamoa totona, JW Library Sign Language app oi daonloud. Inai app ese oi do ia durua saini gado Baibel ai siri oi abia hidi totona.

•   Dmytro bona Vita be taia kudima tama sina, bona edia natudia be taia kudima lasi. Dina ta ta ai, saini gado Baibel idia itaia karana ese idia ia durua dalana itaia.

 Baibel ia hadibaia vidio. Iehova ena Witnes taudia ese saini-gado vidio idia karaia, unai ese taunimanima idia durua Baibel ena sisiba idia lalopararalaia bona badinaia totona. Unai vidio haida be . . .

•   Headava taudia bona famili totona

•   Matamata taudia totona

•   Natudia totona

 Ta ida Baibel stadi oi karaia. Iehova ena Witnes ta ese oi do ia durua saini gado ai Baibel ena sivarai be emu diba hegeregerena oi dibaia totona. Davana lasi Baibel stadi karaia dalana oi diba totona oi rikwest.

 Jeson Senajonon be Philippines dekenai ia noho. Dirava kahirakahira ia lao totona Baibel kosi ese ia durua dalana itaia.

 Mario Antúnez be Honduras ai guna pasto gaukara ia karaia. Iena Baibel henanadai edia haere ia davaria dalana oi itaia. Unai be inai atikol “I Had More Questions Than Answers” ai oi davaria.

 Hebou idauidau. Tanobada hegegemadai ai, ai be mai emai saini-gado kongrigeisen bona grup, iniseniai taia kudima taudia be wiki ta ta lalonai idia hebou. Unai hebou ai diba idia abia bona tomadiho. Danu lagani ta ta ai saini-gado ena hebou badadia ai karaia. Emai hebou idauidau ai, taia kudima bona mata kepulu taudia totona emai hebou ena hereva ai hahanaia. Mata kepulu taudia totona braille pablikeisen idia noho, davana lasi.

•   Emu gabu kahirakahira hebou gabuna ta oi tahua.

•   Lagani ta ta ai karaia hebouhebou oi dibaia.

•   Iesu Ena Mase Laloatao Hebouna dekenai oi mai, unai be lagani ta ai ai karaia mai anina bada hebouna.

 José Luis Ayala be Mexico ai ia noho. Ia vara neganai ena taiana ia kudima, bona gabeai ena matana ia kepulu. Ia be Baibel hadibaia tauna namona ai ia lao dalana oi dibaia.