January 24, 2023 ai, saiens taudia ese Doomsday klok a ena taim idia atoa hanuaboi 12 oklok kahirakahira dekenai. Unai ese tanobada ena dokona ia hahedinaraia.

•   “‘Doomsday Klok’ ese ia hahedinaraia taunimanima ese sibona dekenai dika do idia havaraia. Tuesday ai, saiens taudia ese unai klok ena taim idia atoa hanuaboi 12 oklok kahirakahira dekenai, badina tanobada ena weda ia dika ia lao, danu Ukraine tuarina bona niuklia tuarina dainai idia gari.”​—AFP International Text Wire.

•   “Saiens taudia ese Tuesday ai ‘Doomsday Klok’ ai idia hahedinaraia 90 sekeni sibona ia noho, bena 12 oklok do ia abia. Anina be aramagedono o tanobada ibounai hadikaia ore negana be ia kahirakahira.”​—ABC News.

•   “Saiens taudia idia gwau toana be taunimanima edia mauri dekenai dika bada do ia vara, guna bamona lasi.”​—The Guardian.

 Taunimanima edia mauri bona tanobada hadikaia ore negana be ia kahirakahira, a? Vaira nega ai do idia vara gaudia dainai do ita gari, a? Baibel be dahaka ia gwau?

 Baibel ena hereva hegeregerena, “tanobada be ia noho hanaihanai” bona taunimanima be “do idia noho ela bona hanaihanai.” (Hadibaia Tauna 1:4; Salamo 37:29) Unai dainai taunimanima ese tanobada be mauri ia noho lasi gabuna ai do idia halaoa lasi eiava hadikaia lasi.

 To, Baibel ese dokona ia herevalaia. Hegeregere ia gwau, “tanobada be ia ore noho.”​—1 Ioane 2:17.

•   Baibel ese ia herevalaia tanobada dokona ena anina dibaia totona, inai atikol “Tanobada be Ia Ore Ia Lao Noho, A? Apocalypse be Dahaka?” duahia.

•   Baibel ese kahirakahira tanobada ai do idia vara gaudia ia herevalaia karana oi diba totona, inai atikol “When Will the World End?” duahia.

 Baibel ese ita ia durua lalohadai maorona ita abia totona, ena be hari inai negai tanobada ai hekwakwanai idauidau idia vara noho. Edena dala ai?

•   Baibel ese ita dekenai sisiba namodia ia henia. (2 Timoteo 3:16, 17) Hegeregere inai atikol “How to Control Worry” duahia, unai amo Baibel ese oi do ia durua lalohadai maorona oi abia, ena be mauri ai hekwakwanai idia vara.

•   Baibel ese vaira negai do idia vara helaro namodia ia herevalaia. (Roma 15:4) Unai amo ita ese hari bona vaira negai do idia vara gaudia ita dibaia, bona unai ese ita ia durua ita gari lasi, ena be tanobada ai hekwakwanai idauidau idia vara.

 Baibel amo heduru namona oi abia totona, oi ai invait davana lasi Baibel stadi kosi karaia totona.