Baibel ia gwau, Israela taudia idia kwalimu neganai, gwauhmata tanona be edia huanai idia haria, Manase ena bese oredia huanai iduhu 10 sibona ese Ioridane ena west kahanai tano idia abia. (Iosua 17:1-6) Akioleji ese ia vara gauna ia hamomokania, a?

 Lagani 1910 ai, Samaria dekenai makohi uro gaudia mai edia toretore, Heberu gado ai, idia davaria. Idia torea rekodi lalonai, dava bada gaudia hegeregere, wain bona bonana namo oela be Samaria siti, unai be King ena ruma dekenai idia abidia lao. Unai makohi uro gaudia ibounai 102 be, 701 B.C.E ia lao 800 B.C.E. amo, bona uro gaudia 63 sibona edia toretore be idia duahia namonamo diba. Unai makohi urodia 63 dekenai, deit, famili ladadia bona edena bisinesi taudia ese idia siaidia bona daidia ese idia abidia ia herevalaia danu.

 Unai makohi uro gaudia, Samaria ai idia davaria be Manase ena iduhu ena famili ladadia idia noho ia hahedinaraia. NIV Archaeological Study Bible ia gwau, unai gaudia be “Baibel ai Manase ena famili ta ta bona idia lao teritori ia herevalaia karana” ia hamomokania.

 Danu, unai makohi uro gaudia ese ia hamomokania, Baibel torea tauna Amosa ena hereva be momokani, ia ese unai nega ai idia noho taga taudia ia herevalaia, ia gwau: “Kapusi badadia be wain amo idia hahonua bona idia inua bona dehoro namo hereadia amo sibodia idia horoa.” (Amosa 6:1, 6) Idia makohi uro gaudia ese ia hamomokania unai gaudia be Manase ena famili ten idia noho tanodia dekenai idia abia lao.