UMUI GIMA NOHO!
Kaivakuku Tomadiho Henia Karana—Baibel be Dahaka Ia Gwau?
Catholic News Service ia gwau, March 25, 2022 ena dina ai, St. Peter’s Basilica dekenai hebou badana ta idia karaia neganai, Pope Francis be Maria ena kaivakuku vairanai ia gini, “ena matana ia koua bona ena kwarana ia atoa diho, rege lasi guriguri ta ia karaia.” “Maria ia noia” maino ia vara totona. Vatican News ma ia gwau: “Pope ese Immaculate Heart of Mary dekenai taunimanima hahisia karana hanamoa totona, hegeregere Russia bona Ukraine dekenai ia gurigurilaia.”
Dahaka oi laloa? Kaivakuku dekenai guriguri henia karana eiava tomadiho karana ai ita gaukaralaia be maoro, a? Ia noho Baibel siri haida mani oi laloa:
“Namo lasi laulau ta umui koroa eiava guba ai eiava tanobada ai eiava ranu lalonai idia noho gauna ta ena laulau umui koroa. Namo lasi idia dekenai umui tui diho eiava idia umui hesiai henia, badina lau, Iehova emui Dirava, lau ura lau sibona umui tomadiho henia.”—Esodo 20:4, 5. a
“Edia kaivakuku be siliva bona golo, Taunimanima ese idia karaia gaudia. Mai edia uduna, to idia hereva diba lasi; Mai edia matana, to gau ta idia itaia diba lasi; Mai edia taiana, to idia kamonai diba lasi; Mai edia udu baubau, to gau ta idia bonaia diba lasi; Mai edia imana, to gau ta idia dogoatao diba lasi; Mai edia aena, to idia raka diba lasi; Edia gado regena be lasi. Kaivakuku idia karaia taudia be kaivakuku hegeregerena do idia lao, Kaivakuku idia abidadama henia taudia be kaivakuku hegeregerena do idia lao.”—Salamo 115:4-8.
“Lau be Iehova. Unai be egu ladana. Egu hairai be ta dekenai lau henia lasi, eiava kaivakuku idauidau dekenai lau henia lasi.”—Isaia 42:8.
“Kaivakuku tomadiho henia karana amo umui heau siri.”—1 Korinto 10:14.
“Kaivakuku dainai umui naria namonamo.”—1 Ioane 5:21.
Tomadiho ai kaivakuku eiava laulaudia gaukaralaia karana dekenai Baibel be dahaka ia gwau, ena infomeisen ma haida oi abia totona, inai atikol ladana “The Bible’s Viewpoint—Images” oi duahia eiava inai vidio Dirava be Kaivakuku Tomadiho Henia Karana Ia Abia Dae, A? oi itaia.
Bema oi ura Baibel ena hereva inai topik ma haida dekenai oi duahia diba:
“Miracles and Apparitions—Signs From God?”
Photo credit: Vincenzo Pinto/AFP via Getty Images
a Dirava ena ladana be Iehova. (Salamo 83:18) Inai atikol “Iehova be Daika?” oi itaia.
Reana Inai Danu Oi Ura
TOPIK MA HAIDA
Tomadiho ese Politik Karadia Ia Durua be Maoro, A?
Tanobada ibounai lalonai, momo idia gwau Iesu Keriso idia badinaia taudia ese politik gaukara idauidau idia karaia. Unai bamona idia karaia be maoro, a?
BAIBEL ENA MAI ANINA BADA HAHEDIBA HEREVADIA
Dirava ese Kaivakuku Tomadiho Henia Karana ia Abia Dae, A?
Kaivakuku ese ita idia durua ita itaia lasi Diravana kahirakahira ita lao totona, a?
UMUI GIMA NOHO!
Ukraine Dekenai Tomadiho Bona Tuari Karana—Baibel be Dahaka Ia Gwau?
Idia tuari heheni Russia bona Ukraine edia tomadiho gunalaia taudia be edia siahu idia gaukaralaia kerere. Badina Iesu be ena murinai idia raka taudia ia hadibaia dahaka do idia karaia bona do idia karaia lasi, to dubu gunalaia taudia edia hereva be Iesu amo ia idau.
