Ukraine ai ia vara tuari dainai ita itaia, Keristani gunalaia taudia momo ese taunimanima idia hagoadaia tuari ai idia vareai totona. Dubu gunalaia taudia ese tuari oreana idia durua dalana mani oi itaia:

•   “Hanamoa bona tanikiu herevana ia lao iseda tuari taudia dekenai badina edia hanua Ukraine idia gimaia dagedage taudia amo . . . Mai emai kudouna ida, emai guriguri ai umui ai laloa, bona hanaihanai emai heduru be umui ida ia noho.”​—Kyiv ena Metropolitan Epiphanius I, The Jerusalem Post, March 16, 2022 ese ia ripotilaia.

•   “Russia Otodoks tomadiho edia gunalaia tauna be Sunday ai Russia tuari taudia totona spesel tomadiho program ta ia karaia, bona idia ia hamaoroa Ukraine ai Moscow be ena tuari ia karaia noho. Russia taudia sibona be hegeregere edia tano idia gimaia totona.”​—Reuters, April 3, 2022.

 Keristani taudia idia tuari be namo, a? Baibel be Dahaka Ia Gwau?

 Baibel ia hahedinaraia Iesu Keriso idia badinaia taudia be tuari lalonai idia vareai lasi.

•   “Emu tuari kaia be ena gabu dekenai oi atoa lou, badina tuari kaia idia gaukaralaia taudia ibounai be tuari kaia amo do idia mase.”​—Mataio 26:52.

   Tuari ia abia dae eiava tuari lalonai ia vareai tauna be momokani Iesu ena hereva ia badinaia, a?

•   “Umui dekenai taravatu matamata lau henia inai: Do umui lalokau heheni. Lau ese umui lau lalokau henia hegeregerena, umui danu do umui lalokau heheni. Unai amo taunimanima ibounai do idia diba umui be egu hahediba taudia, bema umui huanai lalokau ia noho.”​—Ioane 13:34, 35.

   Tuari ia durua tauna be Iesu ese ena murinai idia raka taudia dekenai ia gwauraia lalokauna ia hahedinaraia noho, a?

 Diba ma haida abia totona, inai atikol “Keristani Taudia ese Tuari Idia Durua be Maoro, A?” oi duahia

 Oi laloa hari Keristani taudia be tuari do idia vareai lasi, a? Oibe. Baibel ia peroveta iseda negai, unai be “dina gabedia” lalonai, bese idauidau taudia be “tuari do idia dibaia lou lasi,” unai be Iesu ena hahediba herevadia hegeregerena.​—Isaia 2:2, 4.

•   Diba ma haida oi abia totona, Gima Kohorona ena article series ladana “How Does God View War?” oi duahia.

 Kahirakahira Iehova, a “maino Diravana,” ese ena guba gavamani do ia gaukaralaia taunimanima be “hisihisi bona dagedage karadia” amo ia hamauridia totona.​—Filipi 4:9; Salamo 72:14.

•   Unai oi diba totona, inai vidio Dirava Ena Basileia be Dahaka? oi itaia.