Baibel ena hereva hegeregerena, Israela ena King Davida be 1000 B.C.E. lalonai ia noho, bona iena tubudia be lagani handred momo lalonai idia lohia. To haida idia gwau Davida be guna ia noho lasi, eiava ia be taunimanima ese idia herevalaia gori sivaraina. King Davida be momokani ia noho, a?

 Lagani 1993 ai, akioleji tauna Avraham Biran bona iena tim taudia ese Israel ena not kahana, Tel Dan ai, nadi ta idia davaria. Unai nadi latanai idia noho toretore ese “Davida Ena Bese” ia herevalaia. Unai nadi latanai idia noho hereva be idaunegai Semitic leta idia gaukaralaia, bona ia be lagani 800 B.C.E. bamona ai idia torea gauna hegeregerena. Unai ese ia hahedinaraia Aramia taudia ese unai nadi idia haginia, unai amo idia ese Israela taudia idia halusia karana do idia hekokorokulaia.

 Bible History Daily ena atikol ta ia hahedinaraia taunimanima haida be King Davida be momokani ia noho ena sivarai, nadi latanai idia torea gauna idia abia dae lasi. To, Baibel idia stadilaia diba bada taudia bona akioleji taudia momo idia abia dae, Tel Dan ai idia davaria nadi latanai ia noho herevana ese ia hamomokania, Baibel ese ia herevalaia King Davida, be momokani ia noho. Unai be Biblical Archaeology Review ese idia torea mai anina bada ripoti.