Lagani 2023 ia matamaia neganai, ita ura ita sibona bona iseda famili totona gau namodia idia vara. Dahaka dainai unai bamona ita laloa?

 Baibel ena sivarai namona ese hari ita davaria problem be nega kwadogina sibona bona kahirakahira do ia ore ia herevalaia. Baibel ai “idia torea herevadia ibounai be ita hadibaia totona idia torea. Bona unai hereva ese ita idia durua. . . unai amo helaro ita abia.”​—Roma 15:4.

•   Baibel ese ia herevalaia gwauhamata diba totona, inai atikol “A Real Hope for a Better Tomorrow” itaia.

 Baibel ena helaro be “iseda mauri ena dogo” bamona. (Heberu 6:19) Unai helaro dainai ita gini goada diba. Ita ia durua hari ita davaria problem ita haheaukalaia, unai amo lalohadai maorona ita abia bona ita moale noho. Hegeregere:

•   Baibel ena helaro ese tau ta ia durua inuinu kekero karana ia rakatania ena vidio Egu Mauri Lau Hesikulaia, oi itaia

•   Baibel ena helaro ese ita ia durua bema iseda lalokau tauna ta ia mase ena vidio Idia Taitai Taudia Hagoadaia Totona, itaia.

 Momo idia ura gau namodia idia vara to idia diba lasi bema unai do ia vara momokani o lasi. To Baibel ena gwauhamata be idau. Dahaka dainai? Badina Baibel ena gwauhamata be Iehova Dirava a sibona amo bona ia be “koikoi diba lasi Diravana.” (Tito 1:2) Iehova sibona be mai ena siahu ena gwauhamata ibounai ia hagugurua totona; “Iena ura hegeregerena gau ibounai ia karaia” diba.​—Salamo 135:5, 6.

 Mai moale ida oi ai invait Baibel ese ia herevalaia helaro amo heduru oi abia totona. ‘Toretore Helagadia oi tahua namonamo’ karana amo unai gwauhamata do oi trast henia diba. (Kara 17:11) Ta ida davana lasi Baibel stadi kosi ta oi tohoa. Momokani, lagani 2023 ia matamaia lalonai emu helaro oi laloa!