UMUI GIMA NOHO!
Politik Dainai Dagedage Karadia Idia Vara Noho—Baibel be Dahaka Ia Gwau?
Dagedage karadia momo idia vara noho dainai, taunimanima idia laloa momo.
Mexico ai politikol kendideit 39 idia hamasea, bona politik dainai dagedage karadia idauidau be, lagani 2023-2024 ena eleksen negana ai idia vara.
Vanegai Europe ai, politik dainai dagedage karadia momo idia vara, bona May 15, 2024 ai, Slovakia ena praiminista be kahirakahira idia hamasea.
United States dekenai, July 13, 2024 ai, guna ena presiden Donald Trump be kahirakahira idia hamasea bona taunimanima be unai kara dainai idia gari bona idia daradara.
Politik dainai dagedage karadia momo idia vara. Dahaka dainai? Unai karadia do idia ore, a? Baibel be dahaka ia gwau?
Politik dainai idia vara dagedage karadia be Baibel ese ia perovetalaia
Baibel ese iseda nega ia gwauraia “dina gabedia,” bona taunimanima momo be dagedage bona lalotamona lasi karadia do idia havaraia.
“Dina gabedia ai nega aukadia do idia vara. . . . Badina taunimanima be . . . tanikiu karana do idia diba lasi, ma haida do idia badinaia lasi, . . . do idia lalotamona lasi, . . . do idia dagedage, . . . edia turadia edia mauri hadikaia dalana do idia karaia, do idia kwara auka, do idia heagi.”—2 Timoteo 3:1-4.
Danu, Baibel ia peroveta iseda nega ai taunimanima ese gavamani do idia gwau-edeede henia bona politikol heiriheiri karadia momo do idia vara. (Luka 21:9, futnout) To politik dainai idia vara dagedage bona lalotamona lasi karadia be do idia ore.
Politik dainai idia vara dagedage karadia do idia ore Negana
Baibel ese ia hahedinaraia, Dirava ena guba gavamani ese taunimanima edia gavamani ena gabu do ia abia.
“Guba Diravana ese basileia ta do ia haginia, . . . Unai basileia ese basileia ibounai do ia hamakohia bona haorea momokani, bona ia sibona do ia gini ela bona hanaihanai.”—Daniela 2:44.
Dirava ena Basileia ese taunimanima do ia hatamonaia, bona tanobada ai maino do ia havaraia.
Basileia ia Lohiaia Tauna, Iesu Keriso be “Maino Lohiana” dainai, “maino be do ia doko lasi.”—Isaia 9:6, 7.
Hari danu, iena lohia henunai do idia noho taudia be maino ai noho dalana idia dibaia noho. Unai dainai Baibel ia gwau: “Edia tuari kaia be tano geia gaudia ai do idia halaoa, edia io be au rigidia utua kaia ai do idia halaoa. Bese ta ese bese ma ta do ia tuari henia lasi, bona tuari do idia dibaia lou lasi.”—Isaia 2:3, 4.
Diba ma haida abia totona, inai atikol duahia “Dirava Ena Basileia ese Dahaka Do Ia Hagugurua?” bona inai vidio Dirava Ena Basileia be Dahaka? itaia.
Reana Inai Danu Oi Ura
GIMA KOHORONA
Dirava Ena Basileia ese Dahaka Do Ia Hagugurua?
Iesu ia diba Dirava ena Basileia sibona ese tanobada ai idia vara dika idauidau ia hanamoa diba. Unai Basileia ese dahaka ia hagugurua vadaeni iseda abidadama ia hagoadaia totona?
UMUI GIMA NOHO!
Taunimanima ese Politik Taudia Idia Trast Henia be Auka—Baibel be Dahaka Ia Gwau?
Baibel ese ita ia hadibaia ita trast henia taudia dekenai ita naria namonamo bona vaira nega namona totona do ita trast henia diba tauna maorona ia hadibaia.
UMUI GIMA NOHO!
Dahaka Dainai Politik Karadia ese Taunimanima ia Hapararaia Noho?—Baibel be Dahaka Ia Gwau?
Tanobada ibounai ai, taunimanima be politik dainai idia parara. Baibel ese unai hamaoromaoroa dalana ia herevalaia—gunalaia tauna ese taunimanima ia hatamonaia.
GIMA KOHORONA
Dirava ese Daika be Lohia Tauna Bamona Ia Abia Hidi?
TOPIK MA HAIDA
Helaro Korikorina Vaira Nega Totona
Dahaka dainai Baibel ena gwauhamata be taunimanima edia gwauhamata bona peroveta herevadia amo ia idau?
