Tanobada ibounai ai, taunimanima idia ura vegan taudia bamona idia noho.

•   “Vamu eiava animal product idia ania lasi taudia (veganism) be idia laloa taunimanima ese animal idia dagedage henia, eiava vamu totona o dabua totona animal idia alaia karana be kerere.”​—The Vegan Society.

 Danu idia ura environment idia durua, haida be helt o tomadiho ena taravatu dainai unai idia karaia.

•   “Veganism karana be taunimanima ese idia badinaia diet ma haida bamona lasi. To nega momo veganism tauna ena lalohadai be, bema unai ia karaia ia ese tanobada dekenai senisi do ia havaraia.”​—Britannica Academic.

 Veganisim karana ese vaira nega ai tanobada dekenai namo do ia havaraia, a? Baibel be dahaka ia gwau?

 Baibel ese ia hahedinaraia iseda Havaraia Tauna, Iehova Dirava, a ena matanai taunimanima ese animal idia hereaia bona Ia ese taunimanima dekenai maoro ia henia animal idia biagua totona. (Genese 1:27, 28) Gabeai, Dirava ese taunimanima dekenai gwaumaoro ia henia animal be aniani totona idia gaukaralaia diba. (Genese 9:3) To, animal dagedage henia karana ia taravatua.​—Aonega Herevadia 12:10.

 Baibel ena hereva hegeregerena, vamu ita ania eiava lasi be iseda abia hidi. b To aniani totona ita karaia abia hidi ese iseda hetura karana Dirava ida do ia hanamoa lasi. (1 Korinto 8:8) Taunimanima ta ta be dahaka aniani idia ura ania be edia abia hidi, bona namo lasi unai ita gwauraia dika.​—Roma 14:3.

 Baibel ia hahedinaraia ita abia hidi mauri dalana ese tanobada ena hekwakwanai do ia hamaoromaoroa diba lasi. Politikol, social, bona bisinesi ese inai tanobada ai hekwakwanai momo idia havaraia, taunimanima be hegeregere lasi unai idia hanamoa totona. Baibel ia gwau:

•   “Idia gageva gaudia ita hamaoromaoroa diba lasi.”​—Hadibaia Tauna 1:15.

 Iseda Havaraia Tauna ese ita davaria hekwakwanai do ia hamaoromaoroa. Baibel ese laulau hereva ia gaukaralaia do ia karaia gaudia ia hahedinaraia totona.

•   “Bona guba matamata bona tanobada matamata lau itaia. Guba gunana bona tanobada gunana be idia boio vadaeni, bona davara danu be ia boio.”​—Apokalupo 21:1.

 Dirava ese taunimanima edia gavamani o “guba gunana” do ia senisia, bona “guba matamata” o iena Basileia gavamani do ia haginia. Iena Basileia ese “tanobada gunana” o kara dika taudia do ia kokia bona unai Basileia ese “tanobada matamata” eiava iena siahu henunai idia ura noho taudia do ia lohiaia.

 Taunimanima be Dirava ena Basileia ena lohia henunai idia noho neganai, animal ida noho karana bona environment namona lalonai noho dalana do idia dibaia.​—Isaia 11:6-9.