Iakobo be aneru ta ida ia rosia helulu badina ia ura Iehova amo hahenamo ia abia, bona ia dekenai unai be mai anina bada. (Ge 32:24-31; Ho 12:3, 4) Ita be edena bamona? Mai ura bada ida do ita gaukara goada Iehova ena hahenamo ita abia totona, a? Hegeregere, bema abia hidi ita karaia kongrigeisen ena hebou ta totona do ita lao bona hora ma haida lalonai moni gaukara do ita karaia, edena do ita abia hidi? Iehova dekenai iseda goada, nega, bona kohu ita henia neganai, ia ese “gau namodia momo herea [be ita] dekenai” do ia henia. (Mal 3:10) Ia ese ita do ia naria bona gimaia, bona iseda dabu gaudia be ita dekenai do ia henia.​—Mt 6:33; He 13:5.

VIDIO LADANA, LAUMA GAUDIA OI LALOA BADA ITAIA, BENA INAI HENANADAI HAERELAIA:

• Edena dala ai taihu be ia ura henia gauna ese ia tohoa?

• Edena dala ai iseda moni gaukara ese ita ia tohoa diba?

• Ena be Timoteo be lo Keristani tauna vadaeni, to dahaka dainai tahua gaudia ia atoa noho be namo?​—1Ti 4:16

• Edena gaukara be “gaukara hereadaena”?