Iesu be goevadae lasi taudia totona ena mauri ia bouboulaia. (Ro 5:8) Momokani, Iesu be ena lalokau karana ia hahedinaraia bona ita ibounai totona ia mase bona unai kara ita laloa bada. To, nega ta ta ai, ita sibona ita hadibaia lou lou, Keriso be iseda tadikaka taihu totona ia mase danu. Edena dala ai iseda tadikaka taihu​—idia danu be goevadae lasi​—⁠dekenai, Keriso ena lalokau, ita hahedinaraia diba? Mani dala toi ita herevalaia. Dala ginigunana be, iseda turadia sibona ita bamoa lasi, to tadikaka taihu idauidau ita abia dae ena be edia noho dalana be ia idau. (Ro 15:7; 2Ko 6:12, 13) Dala iharuana be, iseda hereva bona kara ita naria namonamo be namo, namo lasi ma haida edia hemami ita hadikaia. (Ro 14:13-15) Dala ihatoina be, bema ta be ita dekenai kara kererena ta ia karaia, namona be ena dika ita gwauatao haraga. (Lu 17:3, 4; 23:34) Bema ita gaukara goada inai dala toi ai Iesu ita tohotohoa, Iehova ese kongrigeisen do ia hanamoa bona maino bona lalotamona do ia noho.

VIDIO LADANA MA HAIDA OI KARA HENIDIA NEGANAI, DIRAVA ENA LALOHADAI ABIA! ITAIA MURINAI, HENUNAI HENANADAI HAERELAIA:

• Matamanai, Miki ese ena kongrigeisen be edena bamona ia laloa?

• Dahaka ia vara dainai ena lalohadai ia haidaua?

• Edena dala ai Iesu ena haheitalai ese Miki ia durua lalohadai maorona ia abia totona? (Mr 14:38)

• Edena dala ai Aonega Herevadia 19:11 ese ita ia durua, iseda tadikaka taihu ita kara namo henidia totona?