DAHAKA DAINAI MAI ANINA BADA: Iseda pablikeisen idauidau be jw.org ai idia noho. Iseda kontek kadi bona pepapepa ladana, Henanadai Badadia Edia Haere be Edeseniai? ita gaukaralaia taunimanima ita durua iseda websait lalonai idia vareai totona. Danu, jw.org amo iseda pablikeisen ta oi hariharilaia diba. Anina be, kopi ta oi e-mail o websait ena link oi siaia diba. Bema oi be gado idau tauna ta oi haroro henia, unai dala oi badinaia diba. Danu, nega haida taunimanima edia henanadai be iseda pablikeisen haida ese idia haerelaia. Bema iseda websait ita gaukaralaia, iseda haroro gaukara ai anina namona ita havaraia diba.

KARAIA DALANA:

• Kahana ladana “BIBLE TEACHINGS” gaukaralaia. Bema oi be tama o sina ta oi haroro henia bona ia ura natudia durua daladia ai diba ma haida ia abia. Oi lao, BIBLE TEACHINGS > MARRIAGE & FAMILY itaia.

• Kahana ladana “PABLIKEISEN” gaukaralaia. Bema oi be sikuli ai emu turana ta oi haroro henia, bona oi ura ia dekenai, Henanadai 10 Haerelaidia Matamata Taudia Totona buklet oi herevalaia. Oi lao, PABLIKEISEN > BUKA & BUKLET itaia.

• Kahana ladana “AI KARAIA GAUDIA” gaukaralaia. Bema oi be emu gaukara turana ta oi haroro henia bona ia ura ita abia dae gaudia ia dibaia. Oi lao, AI KARAIA GAUDIA > IEHOVA ENA WITNES TAUDIA IA HEREVALAIA itaia.

VIDIO LADANA, JW.ORG GAUKARALAIA ITAIA MURINAI, EDENA DALA AI WEBSAIT DO OI GAUKARALAIA INAI BAMONA TAUDIA DURUA TOTONA:

• Dirava be lasi lalohadaina ia abia tauna (atheist)

• ena ruma bese ai ta ia mase dainai ia lalometau tauna

• lauma dalanai ia manoka tadikaka o taihu

• lou henia tauna ta, reana ia ura diba edena dala ai kontribusen ita abia bona Dirava ena gaukara ita karaia

• tano ma ta amo ia mai tauna ta oi haroro henia bona ia ura diba edena dala ai iena tano ai idia karaia heboudia ai ia lao totona