DAHAKA DAINAI MAI ANINA BADA: Taunimanima be mai kudouna ibounai ida Iehova idia tomadiho henia totona, namona be ena kara namodia idia dibaia bona badinaia be gau badana. (Isa 2:3, 4) “Dirava ena lalokau” bukana, iseda stadi pablikeisen iharuana unai, be Baibel stiuden taudia ia durua unai amo Baibel ena hakaua herevadia ese dina ta ta ai ita ia hakaua dalana do idia lalopararalaia. (Heb 5:14) Eda Baibel stiuden taudia ita hadibaia neganai, namona be ita gaukara goada edia kudouna ita hamarerea, unai amo edia mauri lalonai kara ta idia karaia o edia mauri idia haidaua diba.​—⁠Ro 6: 17.

KARAIA DALANA:

• Hegaegae namonamo, emu stiuden ena kudouna ai idia noho gaudia oi diba be namo. Henanadai namodia gaukaralaia, unai ese oi do ia durua umui stadilaia gauna dekenai ena lalohadai bona hemami oi dibaia totona.​—Aon 20:5; be 259

• Buka ai idia noho maua ibounai gaukaralaia unai amo emu stiuden oi durua Baibel ena hakaua hereva badinaia ena namo ia laloa bada totona

• Emu stiuden ese abia hidi maorona ia karaia totona, ia oi durua ena lalomamina ia goeva be namo, to ia totona disisen oi karaia lasi.​—Gal 6:5

• Bema emu stiuden ia ura Baibel ena hakaua herevadia amo ia oi durua, vadaeni mai aonega ida unai oi karaia diba. Ia oi hagoadaia ena mauri ai gau haida ia haidaua be namo, bona unai ia karaia ena badina be Iehova ia lalokau henia. ​—Aon 27:11; Ioa 14:31