Isaia ena haheitalai ita tohotohoa diba. Ena be unai gaukara karaia dalana ia diba namonamo lasi, to mai abidadama ida ia abia dae. (Isa 6:8) Emu noho dalana oi haidaua unai amo Basileia harorolaia taudia momo lasi gabudia dekenai oi lao diba, a? (Sal 110:3) Oibe, unai bamona abia hidi oi karaia diba bema “ena davana oi laloa” guna. (Lu 14:27, 28) To, namona be sibona emu ura oi dadaraia, haroro gaukara oi karaia totona. (Mt 8:20; Mr 10:28-30) Inai vidio, Moving to Serve Where the Need Is Greater ese ia hahedinaraia hegeregerena, Iehova ena hesiai gaukara ai ita abia hahenamo ese ita dadaraia gaudia ibounai ia hereaia.

• William bona ena ruma bese be Ecuador ai Iehova idia hesiai henia totona, dahaka gaudia idia dadaraia?

• Do idia haroro gabuna idia abia hidi totona, dahaka gaudia idia laloa guna?

• Dahaka hahenamo idia abia?

• Pablisa momo lasi gabuna ai oi ura haroro totona, edeseni diba ma haida oi abia diba?

• Edena dala ai iseda ruma bese ida eda hesiai gaukara do ita habadaia? (km 8/11 par. 4-6)

• Bema ita hegeregere lasi pablisa momo lasi gabudia dekenai eda hesiai gaukara ita habadaia totona, vadaeni edena dala ai eda kongrigeisen ita durua diba? (w16.03 rau 23-25)