KERISTANI TAUDIA EDIA MAURI DALANA
Tanobada ese “Sinavai Ranuna Ia Hadonoa”
Histori ese ia hahedinaraia Iehova ena taunimanima be gavamani taudia ese idia durua. (Esr 6:1-12; Est 8:10-13) Hari iseda negai danu, ita itaia “tanobada”—idia laloa maoromaoro lohia taudia eiava orea haida—ese “huala,” Satani Diabolo unai, ese ia havaraia dagedage “sinavai ranuna,” idia hadonoa. (Apo 12:16) Iehova, “taunimanima ia hamauria Diravana,” ese nega haida tanobada ena lohia taudia ia gaukaralaia diba ena taunimanima idia durua totona.—Sa 68:20; Ao 21:1.
To, edena bamona bema emu abidadama dainai oi idia hadiburaia? Oi daradara lasi badina Iehova be oi do ia naria. (Ge 39:21-23; Sa 105:17-20) Namona be oi diba, Dirava ese emu abidadama karana do ia hanamoa, bona ia oi badinaia dainai emu haheitalai ese tadikaka taihu tanobada hegegemadai ai do ia hagoadaia.—Fp 1:12-14; Apo 2:10.
VIDIO LADANA, KOREA TADIKAKA BE DIBURA RUMA AMO IDIA RUHAIA HAHEDINARAIA, BENA INAI HENANADAI HAERELAIA:
-
Dahaka dainai idia hanaia laganidia lalonai South Korea ai iseda tadikaka tausen momo idia hadiburaia?
-
Kota ese dahaka disisen idia karaia dainai, iseda tadikaka haida be dibura ruma amo idia ruhaia haraga?
-
Tanobada hegegemadai ai edia abidadama dainai idia hadiburaia tadikaka be edena dala ai ita durudia diba?
-
Iseda tano ai eda gaukara idia do taravatua lasi dainai, edena dala ai iseda nega ita gaukaralaia namonamo diba?
-
Daika ena heduru dainai kota dekenai ita kwalimu noho?