Iesu be tanobada ai ia noho neganai, inai taravatu ia gwauraia: “Emu tamana bona emu sinana oi matauraia.” (Eso 20:12; Mat 15:4) Iesu be mai gari lasi ida ia hereva badina ia matamata neganai ena tama sina henunai ia noho. (Luka 2:51) Ia bada neganai, ena sinana naria dalana ia hegaegaelaia ia do mase lasi neganai.—Ioa 19:26, 27.

Hari iseda negai danu, Keristani matamata taudia ese edia tama sina idia kamonai henia bona mai hemataurai ida idia hereva henidia, unai amo hemataurai idia hahedinaraia. To ita diba, tama sina matauraia karana ena hahegani be mai ena hetoana lasi. Ena be iseda tama sina idia buruka, to edia aonega amo namo ita abia totona idia ita mataurai noho be namo. (Aon 23:22) Danu idia ita hagoadaia bona moni dalanai idia ita naria karana ese ia hahedinaraia iseda tama sina burukadia ita matauraidia. (1Tim 5:8) Herevana ita be matamata eiava buruka, iseda tama sina ida herevahereva namonamo karana ese ia hahedinaraia idia ita matauraia.

BODI AI IDIA TOREA KATUN VIDIO, EDENA DALA AI EGU TAMA SINA LAU HEREVA HENIA DIBA? ITAIA, BENA INAI HENANADAI HAERELAIA:

• Dahaka dainai emu tama sina oi hereva henia be auka?

• Emu tama sina oi hereva henidia neganai, edena dala ai idia oi matauraia?

• Dahaka dainai oi hekwarahi be namo emu tama sina oi hereva henidia totona? (Aon 15:22)