Baibel ia peroveta Satani ese ita do ia dagedage henia iseda haroro gaukara ia koua totona. (Ioa 15:20; Apok 12:17) Edena dala ai, tano ma haida dekenai dagedage idia davaria noho tadikaka taihu ita durua diba? Idia totona ita guriguri. “Kara maoromaoro tauna ena noinoi goadagoada karana be mai ena siahu.”​—Iam 5:16.

Dahaka dainai idia totona ita guriguri? Iehova ita noia iseda tadikaka taihu ia hagoadaia bona durua do idia gari lasi totona. (Isa 41:10-13) Danu, gavamani totona ita guriguri be namo, unai amo haroro gaukara do idia koua lasi bona “do ita noho namo mai maino ida.”​—1Tim 2:1, 2.

Paulo bona Petero be dibura ruma ai idia noho neganai, Keristani ginigunadia be idia totona idia guriguri bona edia ladana idia gwauraia danu. (Kara 12:5; Roma 15:30, 31) Ena be hari dibura ruma ai idia noho tadikaka taihu edia ladana ita diba lasi, to iseda guriguri lalonai edia kongrigeisen eiava idia noho tanona ena ladana ita gwauraia diba.