Buklet ladana, Daidia be Hari Iehova Ena Ura Idia Karaia Noho? ita gaukaralaia diba, Baibel stiuden ida stadi ena matamatana eiava dokonai unai buklet ena kahana haida ita herevalaia totona. a Leseni 1 ia lao 4 ai, stiuden ia durua unai amo do ia laloparara ita be Iehova ena Witnes taudia, leseni 5 ia lao 14 ese stiuden ia durua ita karaia gaudia idia dibaia totona bona leseni 15 ia lao 28 ese orea ena heau dalana be idia dekenai ia hahedinaraia. Leseni ta ta be edia namba hegeregerena ita badinaia diba to bema buklet ena leseni ta umui ura herevalaia, vadaeni oi abia hidi bona herevalaia diba. Leseni ta ta be rau tamona ai idia noho bona stiuden taudia ida miniti faiv ia lao ten lalonai umui herevalaia diba.

• Leseni ai ia noho sinado ena henanadai gwauraia

• Ia oi durua totona leseni ena paragraf ta ta eiava kahana maragidia haida oi duahia

• Umui duahia gauna herevalaia hebou. Rau henunai idia noho henanadai bona laulau gaukaralaia. Iena diba bona laloparara hegeregerena, siri umui duahidia bona herevalaia. Toretore koremadia ese henanadai idia haerelaia dalana herevalaia

• Bema maua ladana, “Oi Tahua” be leseni ai ia noho, namona be umui duahia bona stiuden oi hagoadaia unai dala ia badinadia totona