Dirava Oi Kamonai Henia buklet idia karaia neganai Baibel ena hereva momokani be laulau amo idia hahedinaraia bona unai ese duahiduahi idia diba lasi taudia ia durua. Inai buklet ena rau ta ta be mai ena laulau namodia, bona laulau ia hapararaia laini mai ena arrow ese oi do ia hadibaia laulau ta murinai edena laulau oi herevalaia be namo.

Buklet iharuana Dirava Oi Kamonai Henia Bena Oi Mauri Hanaihanai bona ginigunana edia laulau be hegeregere, to buklet iharuana ena hereva be momo bona ia be duahiduahi idia diba sisina stiuden ese idia gaukaralaia diba. Pablisa be stadi lalonai unai buklet ia gaukaralaia bema ena stiuden ida Dirava Oi Kamonai Henia buklet idia stadilaia. Rau haida edia kona dekenai be maua ta ia noho​—⁠unuseniai idia noho point bona siri umui herevalaia diba, stiuden ena diba hegeregerena.

Unai buklet rua be nega idauidau ai oi hariharilaia diba, herevana ia be unai hua ena henia gauna o lasi. Bema Baibel stadi ta oi karaia neganai, unai laulau amo Baibel ena sivarai oi herevalaia. Stiuden tauna dekenai henanadai oi henia ena lalohadai ia gwauraia totona unai amo do oi diba ia laloparara eiava lasi. Rau ta ta ena henunai idia noho siri duahia bona herevalaia. Unai buklet umui haorea murinai ia ida Baibel be Dahaka Ia Hadibaia? o What Can the Bible Teach Us? bukana ai umui stadi diba, unai amo ia oi durua bapatiso ia abia totona.