Ieremia ese Iuda taudia ia hamaoroa, dika badana ta be idia dekenai do ia vara badina edia Dirava, Iehova idia laloaboio vadaeni. (Ier. 13:25) Edena dala ai edia Dirava tomadiho henia karana ia dika? Israela ruma besedia be edia tomadiho karana idia rakatania vadaeni. Unai ese ia hahedinaraia ruma bese kwaradia be Iehova ena hakaua herevana Deuteronomi 6: 5-7 ai, idia badinaia lasi.

Hari, Iehova idia badinaia goadagoada ruma bese be iseda kongrigeisen momo idia durua bada. Ruma bese kwaradia ese hanaihanai edia Ruma Bese ena Tomadiho karana amo edia ruma bese idia durua Iehova idia laloa bada totona. (Sal 22:27) Inai vidio ladana “These Words . . . Must Be on Your Heart”​—Family Interviews itaia murinai, inai henanadai haerelaia:

• Edena dala ai, ruma bese haida be ruma bese ena tomadiho karana lalonai idia davaria hekwakwanai idia hanaia?

• Ruma Bese ena Tomadiho karaia karana ese dahaka namo ia havaraia diba?

• Ruma bese ena tomadiho neganai, dahaka hekwakwanai lau davaria bona edena dala ai unai lau hanaia diba?