Bema oi be Keristani mero o kekeni ta eiava Baibel stiuden ta, palani oi karaia bapatiso oi abia totona, a? Dahaka dainai oi ura bapatiso oi abia? Gwauhamata bona bapatiso oi abia neganai, emu hetura karana Iehova ida ia hamatamaia. (Sa 91:1) Danu unai ese mauri dalana dekenai ita ia hakaua lao. (1Pe 3:21) To edena dala ai unai oi karaia diba?

Sibona dekenai oi hamomokania inai be hereva momokani. Bema gau haida dekenai oi daradara, tahua gaukara oi karaia. (Ro 12:2) Emu mauri ai senisi oi karaia neganai, oi hahedinaraia oi ura Iehova oi hamoalea. (Ao 27:11; Ef 4:23, 24) Hanaihanai Iena heduru totona oi guriguri. Namona be oi abia dae Iehova ese ena lauma helaga ena heduru amo oi do ia hagoadaia bona durua. (1Pe 5:10, 11) Emu hekwarahi be mai ena namo. Iehova hesiai henia karana be mauri hereadaena! —Sa 16:11.

VIDIO LADANA BAPATISO ABIA DALANA ITAIA, BENA INAI HENANADAI HAERELAIA:

• Haida be bapatiso idia abia totona, dahaka hekwakwanai idia hanaia?

• Edena dala ai emu abidadama oi hagoadaia Iehova dekenai emu mauri oi gwauhamatalaia totona?

• Dahaka ese haida ia hagoadaia abia hidi idia karaia bapatiso idia abia totona?

• Edena dala ai Iehova ese ia idia hesiai henia taudia ia hanamoa?

• Gwauhamata bona bapatiso edia anina be dahaka?