Ita karaia gaudia ibounai lalonai ita ura Iehova ita hamoalea. (Ao 27:11) Ena be taravatu ta be lasi to ita ura abia hidi ita karaia neganai, namona be Iehova ena lalohadai hegeregerena unai ita karaia. Dahaka ese ita do ia durua unai ita karaia totona?

Hanaihanai Baibel oi stadilaia. Dina ta ta ai Baibel ita duahia neganai, unai be hegeregere Iehova totona nega ita atoa. Iehova ena laloa dalana do ita dibaia, edena bamona ena taunimanima ia kara henia bona iena vairanai kara namo bona kara dika idia karaia taudia edia haheitalai do ita itaia. Ita ura abia hidi ita karaia neganai, lauma helaga ese ita do ia durua Dirava ena Hereva amo ita dibaia gaudia bona hakaua herevadia ita laloatao totona.​—Ioa 14:26.

Tahua gaukara karaia. Oi ura abia hidi ta oi karaia neganai, sibona oi nanadaia, ‘Baibel ai edena siri eiava sivarai ese lau do ia durua, egu abia hidi dekenai Iehova ena lalohadai lau lalopararalaia totona?’ Iehova ena heduru totona oi guriguri bona emu gado ai ia noho tiokratik research tulu idauidau dekenai tahua gaukara oi karaia, unai ese oi do ia durua Baibel ena hakaua herevadia oi tahua bona badinaia totona.​—Sal 25:4.

VIDIO LADANA NAMONA BE ITA “HEAU MAI HAHEAUKA IDA”​—ANIANI NAMODIA ANIA ITAIA, BENA INAI HENANANDAI HAERELAIA:

• Vidio ai taihu matamata be dahaka hekwakwanai ia davaria?

  Emu haere

• Edena dala ai research tulu oi gaukaralaia diba sibona oi durua, unai bamona hahetoho oi hanaia totona?

  Emu haere

• Bema nega ita atoa tahua gaukara ita karaia bona sibona iseda stadi ita karaia, edena dala ai namo do ita abia?​—He 5:13, 14

  Emu haere