Lagani ta ta ai, Iehova ena witnes taudia be idia moale memorial idia karaia hebou totona. Memorial negana ia matamaia bona ia ore murinai, Iehova ese ia henia harihari gauna hereadaena, mauri davana dainai, ita tanikiu henia bona hanamoa. (Ef 1:3, 7) Hegeregere, ita gaukara goada memorial dekenai haida ita boiria. Haida be senisi haida idia karaia, unai amo March eiava April ena hua ai, heduru painia idia karaia bona tahua gauna idia atoa hora 30 eiava 50 idia karaia totona. Oi ura inai memorial negana ai haroro gaukara totona nega bada oi henia, a? Dahaka ese oi do ia durua unai oi karaia totona?

Momokani, bema palani ita karaia guna gau momo do ita hagugurua. (Ao 21:5) Memorial negana be daudau lasi dainai, hari be nega namona palani ita karaia totona. Danu, Memorial negana ai emu haroro gaukara do oi habadaia dalana oi laloa, bona emu tahua gauna oi hagugurua totona do oi karaia gaudia oi laloa. Bena Iehova oi noia emu hekwarahi ia hanamoa totona.​—1Io 5:14, 15.

Memorial negana ai emu haroro gaukara do oi habadaia daladia ma haida oi laloa, a?