Israela ai, Iehova ese ogogami taudia ia durua. Edena dala ai Iehova ese hari ena hesiai taudia huanai idia noho ogogami taudia ia durua?

• Ia ese idia ia hadibaia moni dekenai lalohadai maorona idia abia totona.​—Lu 12:15; 1Ti 6:6-8

• Ia ese idia ia durua sibona idia laloa maragi lasi totona.​—Iob 34:19

• Idia ia hadibaia idia gaukara goada bona edia mauri do ia hadikaia karadia idia dadaraia totona.​—Ao 14:23; 20:1; 2Ko 7:1

• Ia ese Keristani tadikaka oreana lalonai idia ia hakaua mai.​—Ioa 13:35; 1Io 3:17, 18

• Idia dekenai helaro ia henia.​—Sal 9:18; Isa 65:21-23

Ena be iseda noho dalana ia auka, ita lalohekwarahi lasi be namo. (Isa 30:15) Iehova ese iseda dabu gaudia do ia henia bema nega ibounai ena Basileia ita atoa guna.​—Mt 6:31-33.

VIDIO LADANA  LALOKAU BE IA ORE DIBA LASI ENA BE . . . OI OGOGAMI​—CONGO ITAIA, BENA INAI HENANADAI HAERELAIA:

• Edena dala ai tadikaka be rijinol hebouhebou totona idia lao tadikaka taihu dekenai heabidae karana idia hahedinaraia?

• Vidio lalonai edena dala ai Iehova be ogogami taudia dekenai lalokau ia hahedinaraia?

• Ena be iseda kohu bona aniani be ia hegeregere lasi, to edena dala ai Iehova ita tohotohoa diba?