Baibel lalonai Iehova ese edia guriguri ia haerelaia taudia edia sivarai momo ia noho. Iehova ena hesiai taudia be idia itaia edia lalohekwarahi ia kamonai bona idia ia durua neganai, unai ese edia abidadama ia hagoadaia. Unai dainai, namona be iseda guriguri lalonai Iehova dekenai ita laloa gaudia ita gwauraia hedinarai, bona iseda guriguri ia haerelaia dalana ita laloa. Laloatao iseda guriguri be dala idauna amo eiava ita laloa lasi dalana ai do ia haerelaia. (2Ko 12:7-9; Ef 3:20) Iehova ese edena dala ai iseda guriguri do ia haerelaia?

• Emu hekwakwanai oi haheaukalaia totona, goada eiava lalomaino do ia henia bona emu abidadama do ia hagoadaia.​—Fp 4:13

• Aonega do ia henia abia hidi maorodia karaia totona.​—Ia 1:5

• Gau ta karaia totona iseda ura do ia hagoadaia.​—Fp 2:13

• Lalohekwarahi negadiai lalomaino ia henia.​—Fp 4:6, 7

• Tauanina dalanai ma haida ese ita idia durua bona hagoadaia.​—1Io 3:17, 18

• Ma haida totona guriguri.​—Ka 12:5, 11

VIDIO LADANA IEHOVA BE “GURIGURI KAMONAI DIRAVANA” ITAIA, BENA INAI HENANADAI HAERELAIA:

• Bema gorere dainai guna ita karaia gaudia ita karaia diba lasi, edena dala ai Tadikaka Shimizu ena ekspiriens ese ita ia durua diba?

• Edena dala ai Tadikaka Shimizu ena haheitalai ita tohotohoa diba?