Tadikaka idia gaukara goada haroro herevadia idia hegaegaelaia totona, bona pablisa momo idia davaria edia teritori ai unai ese namo ia havaraia. To tanobada ibounai ai mauri dalana be idauidau dainai, pablisa taudia be edia teritori hegeregerena haroro gaukara ai edia haroro herevana idia haidaua diba eiava topik idauna idia gaukaralaia diba. Momokani, spesel kempein totona tadikaka taihu ibounai ese dala tamona do idia badinaia. Iseda tahua gauna be Iesu ena hahegani herevana Basileia ena sivarai namona do ita harorolaia.​—Mt 24:14.

Stiuden asainmen oi abia neganai, namona be oi bona emu durua tauna ese Haroro Bona Mauri Dalana Hebou Pepana ai ia noho haroro herevadia umui herevalaia. To pablisa taudia be haroro herevadia ena henanadai, siri, lou henia totona, eiava edia teritori hegeregerena henanadai idauna idia gaukaralaia diba. Unai hakaua dalana ese ia hahedinaraia June 2020 hebou pepana ena rau 8 ai ia noho hakaua herevana dekenai senisi ai karaia.