KERISTANI TAUDIA EDIA MAURI DALANA
Haroro Hanamoa Daladia
DAHAKA DAINAI MAI ANINA BADA?:
Vidio ese taunimanima edia kudouna ia hamarerea diba. Idia itaia bona kamonai gaudia be idia laloatao diba. Iehova ese taunimanima idia itaia diba gaudia ia gaukaralaia idia ia hadibaia totona.
Vidio ladana Dirava be mai Ena Ladana, A?, Daika ese Baibel Ia Havaraia?, bona Edena Bamona Ita Diba Baibel Ena Hereva be Momokani?, be Sivarai Namona buklet ena leseni 2 bona 3 ia durua. Vidio ladana Dahaka Dainai Baibel Oi Stadilaia?, Baibel Stadi ai Dahaka Ia Vara?, bona Kingdom Hall Lalonai Dahaka Ia Vara? ese taunimanima ia hagoadaia ita ida Baibel idia stadilaia o kongrigeisen heboudia idia lao totona. Iseda vidio ma haida ita gaukaralaia diba Baibel stadi taudia ita durua totona.
KARAIA DALANA:
-
Oi ura gaukaralaia vidio oi daonloud guna
-
Vidio ese do ia haerelaia henanadai ta o rua oi hegaegaelaia
-
Vidio umui itaia hebou
-
Point badadia herevalaia
INAI OI TOHOA:
-
Iseda pepapepa ta ena murina kahanai ia noho code hahedinaraia, Dahaka Dainai Baibel Oi Stadilaia? vidio ia itaia totona
-
Vidio ladana Edena Bamona Ita Diba Baibel Ena Hereva be Momokani? oi hahedinaraia bona Sivarai Namona buklet ena kopi ta oi henia bona kahana 3 herevalaia
