Dirava idia gari henia tama sina idia ura edia natudia be Iehova idia abidadama henia bona hesiai henia. Unai ia vara diba, bema tama sina ese edia natudia idia maragi negana amo Baibel ena hadibaia herevadia be edia kudouna ai idia hadibaia matamaia. (De 6:7; Ao 22:6) Anina be tama sina ese natudia durua totona, gau haida idia dadaraia be namo, a? Oibe! Bona edia hekwarahi amo moale bada do idia davaria.​—⁠3Io 4.

Tama sina be Iosepa bona Maria amo gau momo idia dibaia be namo. Iosepa bona Maria be gaukara momo idia karaia bona moni bada idia negea, unai amo “lagani ta ta ai, Ierusalema dekenai idia lao, Pasova aria totona.” (Lu 2:41) Oibe, idia ura bada edia famili idia durua Iehova idia laloa bada totona. Hari danu, tama sina be edia hereva bona kara amo edia natudia dekenai dala maorona idia hadibaia diba.​—⁠Sa 127:3-5.

VIDEO LADANA DALA IDAUIDAU AI IDIA DURUDIA ITAIA MURINAI, INAI HENANADAI OI HENIA:

• Ena be Jon bona Sharon Schiller be mai edia natudia, to edena dala ai idia hahedinaraia idia be Basileia idia atoa guna?

• Dahaka dainai tama sina ese natudia ta ta idia hadibaia, durua, bona matahakani henia dalana be tamona lasi?

• Edena dala ai tama sina ese edia natudia idia durua diba, unai amo abidadama tohoa gaudia idia haheaukalaia totona?

• Iehova ena orea be pablikeisen idauidau ia halasia, to oi be edena tulu amo emu natudia oi durua Iehova ena turana ai idia lao totona?