KERISTANI TAUDIA EDIA MAURI DALANA
Iehova be Dahaka Do Ia Laloa?
Abia hidi badana eiava maragina ta ita do karaia lasi neganai, namona be sibona ita henanadai, ‘Iehova be dahaka do ia laloa?’ Ena be Iehova ena lalohadai ibounai ita diba lasi, to ena Hereva amo ita ia durua ita noho hegaegae “gaukara namodia ibounai” ita karaia totona. (2Ti 3:16, 17; Ro 11:33, 34) Iesu ese Iehova ena ura ia lalopararalaia goevagoeva bona ena mauri ai unai ia laloa bada. (Ioa 4:34) Iesu bamona, ita ura ita karaia abia hidi maorodia ese Iehova do ia hamoalea.—Ioa 8:28, 29; Ef 5:15-17.
VIDIO LADANA, IEHOVA ENA URA UMUI LALOPARARALAIA BE NAMO ITAIA (LE 19:18), BENA INAI HENANADAI HAERELAIA:
-
Dahaka dainai Baibel ena hakaua herevadia ita badinaia be namo?
-
Baibel ai edena hakaua herevadia moale karadia dekenai ese ita do ia durua abia hidi maorona ita karaia totona?
-
Baibel ai edena hakaua herevadia dabua hahedokilaia karana dekenai ese ita do ia durua abia hidi maorona ita karaia totona?
-
Baibel ena hakaua herevadia ita badinaia totona, dahaka gau ma haida ita karaia diba?
-
Edena dala ai iseda laloa dalana ita hanamoa diba, Iehova ena ura ita lalopararalaia totona?
Egu abia hidi ese Iehova tura henia karana dekenai dahaka ia hahedinaraia?
