Dahaka dainai iseda moale karadia ita abia hidi namonamo be namo? Badina bema abia hidi ta ita karaia muvi ta ita itaia, miusiki ta ita kamonai, websait ta ita itaia, buka ta ita duahia, eiava vidio gadara ta ita gadara, ita abia hidi gaudia amo iseda lalona ita hahonua diba. Ita karaia abia hidi ese iseda kara do ia haidaua. Hari moale karadia momo lalonai Iehova ese ia inai henia gaudia idia hahedinaraia. (Sa 11:5; Ga 5:19-21) Unai dainai, Baibel ese ita ia hagoadaia Iehova ia hanamoa gaudia do ita laloa noho.​—Fp 4:8.

VIDIO LADANA, EDENA MOALE KARADIA LAU ABIA HIDI BE NAMO? ITAIA, BENA INAI HENANADAI HAERELAIA:

• Edena dala ai idaunegai Roma taudia edia heatu gadara be hari ena moale karadia haida ida ia hegeregere?

• Edena dala ai kongrigeisen lalonai matamata taudia ita durua diba moale karadia idia abia hidi namonamo totona?

• Roma 12:9 ese edena bamona ita ia durua iseda moale karadia ita abia hidi namonamo totona?

• Emu gabu dekenai oi karaia moale karadia namodia haida be dahaka?