March 23 ai, taunimanima 12 milioni bamona be Memorial hebouna dekenai do idia mai. Tok do ia henia tauna ese Iehova ena harihari gauna, mauri davana, bona vaira nega ena hahenamo do ia herevalaia! (Is 11:6-9; 35:5, 6; 65:21-23; Ioa 3:16) To, tok henia tauna sibona ese idia do ia haroro henia, a? Lasi. Ita danu ese idia mai taudia ita welkam henia be namo. (Ro 15:7) Edena dala ai?

• Namo lasi emu helai gabuna sibona ai oi helai bona oi naria program ia hamatamaia totona, to idia mai taudia bona manoka taudia be mai moale ida oi welkam henidia

• Namo lasi oi boiria turadia sibona ida oi noho bona herevahereva, to Memorial ena boiboi pepana idia abia dainai idia mai taudia oi hedavari henidia danu. Kamonai matamata taudia oi boiria oi ida do idia helai. Emu Baibel bona ane bukana umui itaia hebou

• Tok murinai, oi noho hegaegae kamonai taudia edia henanadai haerelaia totona. Bema kongrigeisen ma ta ese Kingdom Hall do idia gaukaralaia dainai, nega be lasi, namona be dala oi karaia dina ma ta ai kamonai tauna oi vadivadi henia totona. Bema iena telefon namba oi abia lasi, reana oi gwau: “Lau ura emu lalohadai hari inai program dekenai lau kamonai. Dala ma ta ia noho oi lau hereva henia diba?”