Turana ena anina be “ta ese ma ta ia ura henia o matauraia dainai ia bamoa.” Hegeregere, Davida ese Goliata ia hamasea murinai, ia bona Ionatana edia hetura karana ia goada. (1Sa 18:1) Edia kara ese ta ta edia hetura karana ia hagoadaia. Unai dainai, tura korikori be ta ta dibaia namonamo karana amo ia matamaia. Ma ta oi dibaia totona be mai ena hekwarahi bona nega oi atoa be gau badana. To social media ai be auka lasi, baten sibona oi klik bena ta be emu “turana” ai do ia lao. Badina social media ai idia noho taudia be idia diba dahaka do idia gwauraia, bona edia kara korikori do idia gwauraia lasi to idia hunia. Unai dainai social media ai, turadia oi abia hidi totona oi laloa namonamo guna be namo. Bema oi diba lasi tauna ta be friend request ia siaia, namo lasi oi laloa ena hemami do lau hadikaia garina ena request lau abia dae be namo. Haida be do idia vara dika dainai, abia hidi idia karaia social media idia gaukaralaia lasi totona. To, bema oi be social media do oi gaukaralaia, dahaka gaudia oi laloatao be namo?

VIDIO LADANA MAI AONEGA IDA INTANET GAUKARALAIA ITAIA, BENA INAI HENANADAI HAEREALAIA:

• Intanet ai emu foto eiava koment ta oi do atoa lasi neganai, dahaka oi laloa guna be namo?

• Dahaka dainai intanet ai emu turadia oi abia hidi namonamo be namo?

• Dahaka dainai social media gaukaralaia karana dekenai emu nega oi gaukaralaia namonamo be namo?​—Ef 5:15, 16