Edia kara ia goeva taudia sibona be Iehova ida edia hetura karana namona idia moalelaia diba. (1Pe 1:14-16) Bema Baibel stiuden be kara mirodia ia rakatania, ena famili, helt, bona moni dalanai do ia hegeregere.

Stiuden taudia dekenai Iehova ena kara maoromaoro taravatudia, unai taravatu edia badina, bona do idia badinaia ena namo oi herevalaia. Idia oi durua edia lalohadai idia haidaua, unai amo Iehova ia ura henia karadia do idia karaia. (Ef 4:22-24) Idia oi hagoadaia Iehova ena heduru amo edia kara gunadia idia dadaraia diba. (Fp 4:13) Idia oi hadibaia kara dika ena hahetoho idia davaria neganai, Iehova idia noinoi henia. Bona oi durudia edia abidadama ia tohoa gaudia idia dibaia bona hanaia totona. Danu oi hagoadaia kara namodia idia karaia, unai amo kara mirodia idia hanaia diba. Oi itaia Baibel stiuden be Iehova ena heduru amo senisi idia karaia neganai do oi moale.

VIDIO LADANA EMU BAIBEL STIUDEN TAUDIA OI DURUDIA KARA MIRODIA IDIA HANAIA TOTONA ITAIA, BENA INAI HENANADAI HAERELAIA:

• Edena dala ai elda taudia bona Neeta ese Jade idia abidadama henia?

• Neeta be edena dala ma haida amo Jade ia durua?

• Edena dala ai Jade be Iehova amo heduru ia tahua?