Haroro gaukara dekenai Baibel stadi totona, ita gaukaralaia diba vidio foa idia noho. Dahaka totona unai vidio ta ta idia karaia?

• Dahaka Dainai Baibel Stadilaia?​—Kahana Ibounai ena vidio idia karaia taunimanima idia durua Baibel ena hereva idia ura henia totona, ena be idia abia dae gaudia be idau. Unai vidio idia itaia taudia ia hagoadaia, Baibel dekenai henanadai badadia edia haere idia tahua bona haere maorodia idia davaria totona. Danu Baibel stadi ta totona noinoi dalana ia hahedinaraia.

• Dahaka Dainai Baibel Stadilaia? (kahana kwadogina) ena vidio be kahana ibounai hegeregerena, to iena lata be 1 miniti bona 13 sekens. Teritori haida ai bema taunimanima be nega lasi ita ida idia herevahereva, unai vidio ita hahedinaraia diba.

• Baibel Stadi ai Dahaka Ia Vara? ena vidio ese ta ia durua davana lasi Baibel stadi ia ura henia bona stadi totona do ia vara henanadai haida ia haerelaia, danu Baibel stadi ta totona noinoi dalana ia hahedinaraia.

• Emu Baibel Stadi Totona Oi Ai Welkam Henia ena vidio be Baibel stiuden dekenai oi hahedinaraia. Ena be Mauri Moalelaia Hanaihanai! bukana ena rau 2 ai unai vidio ia noho, to Mauri Moalelaia Hanaihanai! buklet ita herevalaia neganai, ita hahedinaraia be namo. Unai vidio ese buka lalonai idia noho topik ta ta bona stiuden ida stadi ai do ita herevalaia gaudia do ia hahedinaraia.

Ena be unai vidio ta ta ita hahedinaraia ena badina be idauidau, to taunimanima dekenai ita hahedinaraia o siaia diba. Pablisa taudia ese unai vidio ta ta idia diba namonamo bona haroro gaukara ai idia gaukaralaia be namo.