April 29–May 5
SALAMO 34-35
Ane 10 Bona Guriguri | Hamatamaia Herevadia (1 min.)
1. ‘Nega Ibounai Iehova Do Ita Hanamoa’
(10 min.)
Davida ese Iehova ia hanamoa ena be hekwakwanai ia davaria (Sal 34:1; w07 3/1 24 par. 11)
Davida ese Iehova ia hanamoa, to sibona ia hanamoa lasi (Sal 34:2-4; w07 3/1 24 par. 13)
Davida ena hereva ese ena turadia ia hagoadaia (Sal 34:5; w07 3/1 25 par. 15)
Davida be Abimeleka amo ia heau mauri murinai, Saulo dekenai idia moale lasi tatau 400 be tano gagaena ai Davida dekenai idia lao. (1Sa 22:1, 2) Reana Davida be Salamo karoa 34 ia torea neganai unai bamona taudia ia laloa.—Sal 34, supaskripsen.
SIBONA OI NANADAIA, ‘Edena dala ai kongrigeisen hebou ai ta ida lau herevahereva karana amo Iehova lau hanamoa diba?’
2. Hakaua Hereva Namodia
(10 min.)
-
Sal 35:11—Inai peroveta herevana hegeregerena Iesu ena nega ai dahaka ia vara? (w11 8/15 14 par. 9)
-
Inai wiki ena Baibel duahiduahi amo dahaka oi dibaia?
3. Baibel Duahiduahi
(4 min.) Sal 34:1-22 (th stadi 5)
4. Herevahereva Hamatamaia
(2 min.) NEGA BONA GABU IDAUIDAU AI HARORO. Oi do haroro henia lasi neganai emui herevahereva ia doko. (lmd leseni 1 point 4)
5. Lou Henia Karaia Noho
(4 min.) NEGA BONA GABU IDAUIDAU AI HARORO. (lmd leseni 2 point 4)
6. Oi Abia Dae Gaudia Oi Gwauraia
(5 min.) Haheitalai. ijwfq 59—Sinado: Dahaka Dainai Iehova Ena Witnes Taudia be Holidei Haida Idia Moalelaia Lasi? (th stadi 17)
Ane 59
7. Hebou ai Iehova Hanamoa Daladia Toi
(15 min.) Herevalaia.
Kongrigeisen hebou ai Iehova ita hanamoa diba. Dala toi be inai.
Herevahereva: Haida ida Iehova ena kara namodia oi herevalaia. (Sal 145:1, 7) Oi duahia eiava oi kamonai herevana ta ese oi ia durua, a? Haroro gaukara ai ekspiriens namona ta oi davaria, a? Ta ese oi dekenai ia gwauraia herevana eiava ena kara ese oi ia hagoadaia, a? Dirava ese ia havaraia gauna ta be oi ia hamoalea, a? Unai harihari gaudia ibounai be Iehova amo. (Ia 1:17) Namona be Kingdom Hall dekenai oi ginidae haraga unai amo nega bada lalonai ma haida ida oi herevahereva diba.
Haere: Hebou ta ta ai haere tamona oi henia diba. (Sal 26:12) Henanadai ena haere oi henia eiava paragraf ai point ma ta, siri ta, laulau eiava point oi badinaia dalana dekenai haere oi henia diba. Haere totona momo be imana do idia abia isi dainai, haere momo oi hegaegaelaia be namo. Bema iseda haere be 30 sekens ia hanaia lasi, momo dekenai nega ita henia ‘Dirava idia hanamoa’ totona.—Heb 13:15.
Ane: Mai gado bada ida Basileia anedia oi abia. (Sal 147:1) Bema oi be kongrigeisen badana ta lalonai, reana hebou ibounai dekenai haere ta do oi henia lasi, to ane oi abia diba. Ena be oi laloa emu gadona be ia namo lasi, to mai emu lalona ibounai ida ane oi abia neganai, Iehova ia moale! (2Ko 8:12) Oi hegaegae totona, ruma ai ane idauidau oi praktis diba.
VIDIO hahedinaraia Iseda Sivarai—Ane ia Matamaia Dalana, Kahana 1. Bena helai taudia nanadaia:
Guna Iehova ena orea ia matamaia neganai, edena dala ai idia hahedinaraia Iehova hanamoa anedia idia laloa bada?
8. Kongrigeisen Baibel Stadi
(30 min.) bt karoa 9 par. 1-7, kahana 3 ena hamatamaia herevana, bona rau 70 ena maua
