JW Library be emu fon, tablet, o kompiuta amo oi daonloud diba, davana lasi. Unuseniai Baibel, pablikeisen ma haida, vidio, bona audio rekodi idia noho.

DAONLOUD DALANA: Intanet oi kehoa, bona program ta ladana app store amo JW Library oi daonloud. Unai program be fon o kompiuta ai ia noho. Unai program oi kehoa bona oi ura henia gaudia oi daonloud diba. Bema emu ruma amo Intanet oi abia diba lasi, reana Kingdom Hall, pablik laiberi, eiava kofi stoa ta dekenai oi lao diba. Oiemu fon o tablet ai oi ura henia pablikeisen oi daonloud murinai, Intanet oi kehoa lasi unai gaudia oi itaia totona. To, JW Library dekenai gau matamatadia momo idia atoa loulou dainai, namona be nega ta ta Intanet oi kehoa bona unai gau matamatadia oi daonloud.

DAHAKA DAINAI OI ABIA BE NAMO? Do ia auka lasi JW Library amo sibona emu stadi oi karaia bona kongrigeisen hebou ai oi gaukaralaia diba. Haroro gaukara ai danu. Haida be nega bona gabu idauidau ai idia haroro neganai, idia gaukaralaia.