EMU HARORO DALANA | HARORO GAUKARA AI EMU MOALE HABADAIA
Mai Ura Ida Hadibaia Gaukarana Karaia
Bema mai ura bada ida ita hereva, taunimanima be ita gwauraia herevadia do idia kamonai namonamo. Danu unai ese ia hahedinaraia ita gwauraia herevana ita laloa bada. Herevana iseda tano eiava kara be idauidau, to mai ura bada ida ita hereva diba. (Ro 12:11) Edena dala ai?
Ginigunana, do oi gwauraia sivarai ena namo oi laloa. “Sivarai namona” oi gwauraia karana be hahenamo badana! (Ro 10:15) Iharuana, sivarai namona ese kamonai taudia edia mauri do ia durua dalana oi laloa dobu. Oi gwauraia sivarai idia kamonai be namo. (Ro 10:13, 14) Bona dokona, mai goada ida oi hereva, emu imana oi gaukaralaia bona emu vairana ena toana amo oi gwauraia gauna oi hahedinaraia.
VIDIO LADANA HAHEDIBA TAUDIA HALAOA GAUKARANA OI MOALELAIA—EMU HARORO DALADIA HANAMOA—MAI URA IDA HADIBAIA GAUKARANA KARAIA ITAIA, BENA INAI HENANADAI HAERELAIA:
-
Dahaka dainai Neeta be ia moale lasi Jade stadi henia totona?
-
Dahaka ese Neeta ia durua mai ura ida Baibel stadi ia karaia lou?
-
Mai ura bada ida ita hereva neganai, haida ita durua diba
Dahaka dainai kamonai taudia edia kara namodia ita laloa be namo?
-
Edena dala ai mai ura ida ita hereva karana ese iseda Baibel stiuden bona ma haida do ia durua?
