KERISTANI TAUDIA EDIA MAURI DALANA
Iehova ese Oi Ia Laloa Dalana Hegeregerena Oi Sibona Oi Laloa
“Iehova be ena taunimanima dekenai ia moale.” (Sal 149:4) Ena be ita be goevadae lasi taudia, to Iehova be iseda kara namodia bona ita karaia diba gaudia ia itaia. To nega haida do ia auka ita sibona dekenai lalohadai maorona ita abia totona. Reana haida ese ita idia kara henia dalana dainai, do ita mamia ita be anina lasi. Eiava bema iseda kerere gunadia ita laloa momo, reana do ita laloa Iehova be ita ia lalokau henia lasi. Bema unai bamona hemami ita abia, dahaka ese ita ia durua diba?
Laloatao, Iehova be iseda kudouna ia itaia. (1Sa 16:7) Anina be iseda kudouna bona lalona ai idia noho gaudia ia diba namonamo. Bona ita moale, badina Baibel ese ita ia durua Iehova ese ita ia laloa dalana ita lalopararalaia totona. Baibel siridia bona sivaraidia ita duahia neganai, Iehova ese ia idia tomadiho henia taudia ia lalokau henia dalana do ita lalopararalaia.
VIDIO LADANA OI ABIA DAE IEHOVA BE OI IA LALOA BADA ITAIA, BENA INAI HENANADAI HAERELAIA:
-
Heau helulu lalonai ia heau merona bona ena tamana edia haheitalai amo Iehova dekenai dahaka ita dibaia?
-
Kerere badana ia karaia tauna be dala do ia karaia Iehova ida ena hetura karana ia hanamoa totona. To edena dala ai do ia diba momokani Iehova ese ia lalonamo henia?—1Io 3:19, 20
-
Tadikaka be Davida bona Iehosapata edia sivarai ia duahia bona laloa dobu dainai dahaka namo ia davaria?
