Teach Us bukana (Hiri Motu gado dekenai ai do hahanaia lasi) be Baibel Hadibaia bukana ida idia hegeregere. Badina idia rua amo hereva momokani be taunimanima dekenai ita hadibaia diba, bona edia karoa ena lista idia atoa dalana be hegeregere. To,Teach Us bukana lalonai be auka lasi (simple) herevadia idia noho. Unai buka amo Baibel Hadibaia bukana idia laloparalaia namonamo lasi taudia oi durua diba. Teach Us bukana lalonai apendiks be lasi to “Endnotes” (rau 207-223) idia noho​—⁠unai amo paragraf ai ia noho hereva ta ena anina (simple explanations) do oi duahia. Unai buka ena karoa ta ta dekenai be hamatamaia henanadai o riviu maua be lasi. To, unai buka ai be “Summary” ia noho​—⁠unai amo stadi ena point badadia do oi duahia. Baibel Hadibaia bukana hegeregerena, Teach Us bukana be nega idauidau ai do ita hariharilaia danu, herevana hua ta ai do ita hariharilaia o lasi. Ta ita stadi henia neganai, Teach Us bukana ena kahana rua (Summary eiava Endnotes) be edena bamona do ita gaukaralaia?

SUMMARY: Ta ita stadi henia neganai, nega momo ita be Baibel Hadibaia bukana ena paragraf ita duahia murinai henanadai ita henia. To nega haida, reana stiuden be stadi lalonai ita gaukaralaia gado ia diba namonamo lasi o duahiduahi ia diba namonamo lasi. Unai bamona stiuden ida Teach Us bukana oi gaukaralaia diba. Bena karoa ena summary sibona umui stadilaia be ia hegeregere, to emu stiuden oi hagoadaia paragraf be ia sibona ia noho neganai ia duahia be namo. Unai amo hereva momokani be reana miniti 15 lalonai umui stadilaia diba. Summary ai be paragraf ena point badadia sibona idia noho dainai, namona be tisa o stadi naria tauna ia hegaegae namonamo, unai amo ena stiuden ia durua namonamo diba. Bema tisa be paragraf amo stadi ia karaia, vadaeni summary be riviu bamona ia gaukaralaia diba.

ENDNOTES (rau 207-223): Unuseniai idia torea hereva ta ta edia henunai be karoa ena namba bona paragraf ena namba do oi itaia​—⁠unai amo paragraf ai ia noho hereva ta ena anina do oi duahia. Bema tisa ia ura stadi lalonai Teach Us bukana ena endnotes ia gaukaralaia, vadaeni unai bamona ia karaia diba.