Baibel stiuden ese Dirava ena hereva ia lalopararalaia namonamo bona lo tauna ai ia lao totona, stadi sibona be hegeregere lasi. (Mat 5:3; Heb 5:12–6:2) Ia sibona ese Iehova do ia dibaia be namo.

Stadi umui matamaia negana amo, emu stiuden dekenai Baibel stadi totona do ia hegaegae dalana oi hadibaia, bona oi hagoadaia unai do ia badinaia. (mwb18.03 6) Idia oi hagoadaia sibona edia stadi idia do karaia lasi neganai, do idia guriguri guna. Idia oi durua websait idia vareai bona stadi totona tulu idauidau idia gaukaralaia. Danu, jw.org bona JW Broadcasting^® ai idia atoa gau matamatadia davaria dalana oi hadibaia. Hanaihanai idia oi hadibaia dina ta ta ai Baibel idia duahia, kongrigeisen hebou totona idia hegaegae, bona idia daradaralaia gaudia dekenai tahua gaukara idia karaia. Idia oi durua idia dibaia gaudia idia laloa dobu totona.

VIDIO LADANA EMU BAIBEL STIUDEN TAUDIA OI DURUDIA STADI KARAIA DALANA IDIA DIBA TOTONA ITAIA, BENA INAI HENANADAI HAERELAIA:

• Edena dala ai Neeta ese Jade ia durua stadi be haere dibaia karana sibona lasi?

• Dahaka ese Jade ia durua dainai ia abia dae Iehova ese matabodaga karana ia inai henia?

• Jade be laloa dobu karana dekenai dahaka ia dibaia?