KERISTANI TAUDIA EDIA MAURI DALANA
Tama Sina E, Emui Natudia Umui Durua Iehova Idia Hamoalea Totona
Iehova ese matamata taudia ia laloa bada. Edia abidadama bona lalokau ia totona ia laloa bada bona edia haheauka karana ia itaia. (1Sa 2:26; Lu 2:52) Ena be idia be do maragi, to edia kara amo Iehova idia hamoalea diba. (Ao 27:11) Iehova ese ena orea amo vidio bona pablikeisen idauidau ia halasia. Unai ese tama sina ia durua edia natudia idia hadibaia Iehova idia lalokau henia bona badinaia totona.
VIDIO LADANA MATAMATA TAUDIA E—UMUI HAHEAUKA DAINAI IEHOVA IA MOALE! ITAIA, BENA INAI HENANADAI HAERELAIA:
-
Lagani momo lalonai, Iehova ese matamata taudia dekenai dahaka heduru ia henia?
-
Hari dahaka vidio bona pablikeisen ese tama sina ia durua diba?
-
Bema oi be matamata tauna ta, Iehova ese dahaka ia henia bona unai ese edena dala ai oi ia durua? Bona dahaka dainai?
