DAHAKA DAINAI MAI ANINA BADA: Iesu ese ia hahedinaraia lalokau, be ena hahediba taudia edia kara badana. (Ioa 13:34, 35) Keriso ena lalokau ita hahedinaraia totona, namona be haida edia namo ita tahua bona sibona laloa bada karana ita dadaraia.​—1Ko 13:5.

KARAIA DALADIA:

• Bema ta ese emu lalona hahisia herevana ta ia gwauraia o kara ta ia karaia, vadaeni namona be ena kara ena badina oi lalopararalaia bona oi ura karaia karana ena namo bona dika oi laloa guna.​—Ao 19:11

• Laloatao, ita ibounai be goevadae lasi, bona nega haida ita gwauraia herevadia o ita karaia gaudia dainai do ita lalohisihisi

• Namona be dala maorona ai hepapahuahu ita hamaoromaoroa

VIDIO LADANA “UMUI HUANAI LALOKAU IA NOHO”​—BADU BONA SIBONA LALOA BADA KARANA UMUI DADARAIA ITAIA MURINAI, INAI HENANADAI OI HENIA:

• Edena dala ai Larry be Tom ena hereva dekenai ia badu?

• Edena dala ai Tom be ia laloa maoromaoro, bona unai ese ia durua badu karana ia dadaraia totona?

• Edena dala ai Tom ena haere karana ese badu karana ia koua?