Bema ruma ai natu maragina ita davaria, namona be ita noia ita ura ena tama sina ita hereva henia. Unai amo ita hahedinaraia edia kwara dagina ita matauraia. (Ao 6:20) Bema natu ese ita ia boiria vareai, ita vareai lasi be namo. Bema ena tama sina idia noho lasi, nega ma ta ai ita giroa lou diba.

Ena be natuna ena mauri lagani be reana 15 ia lao 19 huanai, to namona be ita noia ita ura ena tama sina ita hereva henia. Bema ena tama sina idia noho lasi, ita nanadaia ‘Oi ura duahia bukadia be oi sibona oi abia hidi diba o emu tama sina? Bema ia haere ‘Lau sibona lau abia hidi diba,’ vadaeni buka ta ita henia diba bona reana jw.org ita hadibaia.

Bema mero o kekeni ta ita lou henia, namona be ita noia ita ura ena tama sina ita hereva henia guna. Unai ese dala do ia kehoa, idia ita vadivadi henia ena badina ita herevalaia bona Baibel ese ruma bese totona ia henia sisiba namodia ita hahedinaraia totona. (Sa 119:86, 138) Tama sina ita matauraia bona laloa bada karana ese dala ia kehoa ruma bese dekenai sivarai namona ita harorolaia totona.​—1Pe 2:12.