Bema moni gaukara ita davaria be auka, reana do ita hekwarahi iseda mauri lalonai Dirava ena Basileia bona ena kara maoromaoro ita atoa guna totona. Eiava Iehova hesiai henia karana ia koua o Baibel ena hakaua herevana ia utua moni gaukara ta do ita abia dae. To ita abia dae diba Iehova be “ia idia badinaia momokani taudia dekenai” goada ia henia. (2Si 16:9) Gau ta ese iseda lalokau Tamana do ia koua lasi ita ia durua bona iseda dabu gaudia ia henia totona. (Ro 8:32) Unai dainai ita ura moni gaukara ita abia hidi neganai, namona be Iehova ita abidadama henia bona iseda mauri lalonai ia hesiai henia karana ita atoa guna.​—Sal 16:8.

VIDEO LADANA MAI KUDOUNA IBOUNAI IDA IEHOVA TOTONA KARAIA ITAIA, BENA INAI HENANADAI HAERELAIA:

• Dahaka dainai Jason be koikoi dalanai moni abia karana ia dadaraia?

• Kolose 3:23 ena hereva be edena bamona ita badinaia diba?

• Edena dala ai Jason ena haheitalai namona ese Thomas ia durua?

• Mataio 6:22 ena hereva be edena bamona ita badinaia diba?