November lalonai, ita be tanobada matamata ia kahirakahira ena sivarai namona do ita harorolaia. (Sal 37:10, 11; Apo 21:3-5) Inai kempein oi durua totona emu sediual oi haidaua. Bema unai hua lalonai heduru painia ena fom oi hahonua, abia hidi oi karaia diba hora 30 o 50 karaia totona.

Nega matamata ia herevalaia siri ta oi hegaegaelaia taunimanima momo dekenai oi herevalaia totona. Baibel siri ta oi abia hidi neganai, emu teritori taudia do ia durua dalana oi laloa. Bema ta be vadivadi ginigunana dekenai ia kamonai namonamo The Watchtower No. 2 2021 ena kopi oi henia diba. Bena oi lou henia bona dala oi karaia Mauri Moalelaia Hanaihanai! buklet amo stadi oi hamatamaia totona. “Gau namo hereana ta ena sivarai namona” ita harorolaia be moale gauna!​—Isa 52:7.

OREA ENA MIUSIKI VIDIO LADANA DO IA MAI TANOBADA MATAMATANA ITAIA, BENA INAI HENANADAI HAERELAIA:

• Kekeni maragina be vaira nega totona dahaka hahenamo namona ia laloa noho?

• Tanobada matamatana ai oi ura dahaka hahenamo namodia oi moalelaia?

• Emu helaro oi laloa dobu karana ese edena bamona oi ia durua November ena kempein gaukara oi durua totona?​—Lu 6:45