Dirava ena Hereva ese ita ia durua inai dina gabediai ita davaria hekwakwanai ita haheaukalaia totona. (2Ti 3:1, 16, 17) To, nega haida gau ta ita ura karaia totona Baibel ena hakaua herevadia ita badinaia be namo. Hegeregere, oi be tama eiava sina ta bona emu natudia naria totona sisiba oi tahua, a? Oi be matamata tauna ta bona emu abidadama ia tohoa hekwakwanai idauidau oi haheaukalaia, a? Oi be vabu o dogae ta bona emu tau o hahine ia mase dainai oi taitai noho, a? Jw.org ai idia noho atikol amo Baibel ena hakaua herevadia oi davaria diba bona emu hekwakwanai bona dala ma haida ai oi do ia durua.​—Ao 2:3-6.

Jw.org ena home page ai BAIBEL HAHEDIBA HEREVADIA ena kahana oi klik. (Laulau 1 itaia.) Bena lista ia hedinarai neganai, oi ura henia atikol oi abia hidi diba. Eiava LAIBRI > ATIKOL IDAUIDAU oi klik bona oi ura henia atikol oi abia hidi diba. (Laulau 2 itaia.) JW Library^®. * ai unai atikol idauidau oi davaria diba. Unai kahana rua gaukaralaia dalana do oi moalelaia. Dala ma ta be jw.org ai kahana ladana tahua dekenai, oi ura henia topik ta oi tahua.

Henunai idia noho topik be kahana ladana tahua dekenai oi torea, bona oi ura duahia atikol oi toredia diho.

• Natuna naria karana

• Matamata taudia ese idia lalohekwarahilaia gaudia

• Tau o hahine ia mase