Dala namona ta be tama sina ese natudia idia durua Keristani heboudia dekenai Dirava ena aonega amo namo idia abia. Matamata taudia ese idia itaia, kamonai bona idia henia haere ese idia ia durua, Iehova idia dibaia bona ena turana ai idia lao totona. (De 31:​12, 13) Bema oi be tama eiava sina ta, edena dala ai emu natudia oi durua diba hebou amo namo idia abia totona?

• Oi gaukara goada hebou totona Kingdom Hall dekenai oi lao.—Sal 22:22

• Namona be hebou ia do matamaia lasi bona hebou murinai tadikaka taihu ida oi hebamo.—He 10:25

• Namona be tama sina idia sekea bema edia natudia be hebou dekenai ita stadilaia pablikeisen ena kopi ta, ena be elektronik eiava printaia gauna idia abia

• Emui natudia umui durua sibona ena hereva amo haere ia hegaegaelaia totona.—Mt 21:​15, 16

• Hebou dekenai oi dibaia hakaua hereva namodia be emu natudia dekenai oi herevalaia

• Emu natudia oi durua inai bamona gaudia hegeregere, Kingdom Hall hagoevaia bona kongrigeisen ai idia noho buruka taudia ida idia herevahereva totona

Emu natudia oi durua Iehova kahirakahira idia lao totona be gaukara badana, bona nega haida do oi hekwarahi. To oi abia dae diba Iehova ese oi do ia durua.—Isa 40:29.

VIDIO LADANA TAMA SINA E, IEHOVA BONA ENA GOADA DEKENAI TABEKAU ITAIA, BENA INAI HENANADAI HAERELAIA:

• Zack bona Leah edia hemami be edena bamona?

  Emu haere

• Tama sina be dahaka dainai Iehova dekenai idia tabekau be namo?

  Emu haere

• Edena dala ai heduru totona Zack bona Leah be Iehova dekenai idia tabekau?

  Emu haere