Iseda websait ena home page ai idia noho atikol bona vidio idia karaia kudou maoro taudia edia lalona veria totona. (Ka 13:48) Ia lalonai, taunimanima ese nius amo idia itaia o idia laloa bona herevalaia topik idauidau idia noho.

Edena dala ai haroro gaukara ai jw.org home page oi gaukaralaia diba?

• Hanaihanai websait sekea. Idia halasia topik matamata oi sekea, bona do oi gaukaralaia kamonai tauna oi durua dalana oi laloa. (Home page lalonai idia halasia topik ma haida tahua totona, “Gau Haida Itaia” oi klik) Iseda websait oi sekea loulou karana ese oi do ia durua haroro gaukara ai topik matamatadia oi gaukaralaia totona.

• Home page ai idia noho atikol bona vidio idauidau amo emu hereva oi hamatamaia. Unai kahana ese ita ia durua diba teritori ai taunimanima ese idia laloa momo gauna ita dibaia totona.

• Taunimanima dekenai home page hahedinaraia. Topik haida herevalaia bona ruma tauna dekenai websait davaria dalana hahedinaraia.

• Link ta siaia. Taunimanima haida be idia ura lasi idia ida ita herevahereva, to idia ura iseda websait idia sekea. Unai dainai kamonai tauna dekenai home page, atikol ta eiava vidio ena link oi siaia be namo.