October 7-13
SALAMO 92-95
Ane 84 Bona Guriguri | Hamatamaia Herevadia (1 min.)
1. Iehova Hesiai Henia Karana be Mauri Dala Namona!
(10 min.)
Iehova ita tomadiho henia be maoro (Sal 92:1, 4; w18.04 26 par. 5)
Ena taunimanima ia durua abia hidi idia karaia bona idia moale totona (Sal 92:5; w18.11 20 par. 8)
Ia idia hesiai henia taudia ia laloa bada, buruka taudia danu (Sal 92:12-15; w20.01 19 par. 18)
SIBONA OI NANADAIA, ‘Gau ta ese lau ia koua Iehova dekenai egu mauri lau gwauhamatalaia bona bapatiso lau abia totona, a?’
2. Hakaua Hereva Namodia
(10 min.)
-
Sal 92:5—Edena dala ai inai hereva ese Iehova ena aonega idia hahedinaraia goevagoeva? (cl 176 par. 18)
-
Inai wiki ena Baibel duahiduahi amo dahaka oi dibaia?
3. Baibel Duahiduahi
(4 min.) Sal 94:1-23 (th stadi 5)
4. Herevahereva Hamatamaia
(4 min.) NEGA BONA GABU IDAUIDAU AI HARORO. Dala oi tahua oi hereva henia tauna dekenai oi karaia Baibel hadibaia gaukarana oi herevalaia totona. (lmd leseni 5 point 3)
5. Lou Henia Karaia Noho
(3 min.) NEGA BONA GABU IDAUIDAU AI HARORO. Ia kamonai tauna dekenai Baibel stadi oi herevalaia ena be guna stadi ia dadaraia. (lmd leseni 8 point 4)
6. Hahediba Taudia ai Halaoa
(5 min.) Ia goada ia lao lasi Baibel stiuden ida oi herevahereva. (lmd leseni 12 point 5)
Ane 5
7. Lalohekwarahi Dainai Matamata Taudia Idia Manoka Neganai
(15 min.) Tok bona henanadai.
Iehova ena hesiai taudia be lalohekwarahi idia davaria danu. Hegeregere, nega idauidau ai Davida ia lalohekwarahi, bona hari iseda tadikaka momo danu be unai bamona. (Sal 13:2; 139:23) Madi, matamata taudia idia lalohekwarahi danu. Nega haida, lalohekwarahi dainai do ita mamia ita goada lasi vaia ita karaia gaudia, hegeregere sikuli o kongrigeisen hebou ita lao totona. Danu, gari mamina ita abia eiava sibona hamasea karana do ita laloa.
Matamata taudia e, bema oi mamia lalohekwarahi dainai oi manoka, emu tama o sina eiava lo tadikaka o taihu ta oi hereva henia. Iehova ena heduru oi tahua danu. (Fp 4:6) Ia ese oi do ia durua. (Sal 94:17-19; Isa 41:10) Mani Steing ena haheitalai ita laloa.
VIDIO hahedinaraia Iehova be Lau Ia Naria. Bena helai taudia nanadaia:
• Edena siri ese Steing ia durua, bona dahaka dainai?
• Edena dala ai Iehova ese ia naria?
Tama sina e, mai haheauka ida emui natudia umui kamonai henia, umui hamaorodia idia umui lalokau henia, bona umui durudia Iehova ena lalokau do idia abidadama henia, unai amo umui durudia edia lalohekwarahi idia hanaia totona. (Tit 2:4; Ia 1:19) Iehova dekenai umui tabekau bona umui do durua bona hagoadaia emui natudia umui durua totona.
Ita diba lasi bema kongrigeisen ai ta be mai ena lalohekwarahi, eiava ena hemami ita lalopararalaia lasi. To, namona be iseda kara amo kongrigeisen taudia ibounai do idia mamia ita be idia ita lalokau henia bona laloa bada.—Ao 12:25; He 10:24.
8. Kongrigeisen Baibel Stadi
(30 min.) bt karoa 16 par. 6-9, rau 132 ena maua
