Baibel be Dahaka Ia Gwau?
Baibel ese oi ia durua diba lalohekwarahi oi hanaia totona, a?
Emu haere be dahaka?
Oibe
Lasi
Reana
Baibel ia gwau
“Emui lalohekwarahi ibounai be [Dirava] dekenai umui negea, badina ia be umui ia laloa bada.” (1 Petero 5:7) Baibel ese ita ia hagoadaia, Dirava be ita do ia durua eda lalohekwarahi ita hanaia totona.
Baibel amo dahaka gau ma haida ita dibaia diba?
Guriguri amo “Dirava ena maino” oi abia diba, bona unai ese oi ia durua lalohekwarahi oi hanaia totona.—Filipi 4:6, 7.
Ma danu, bema Dirava ena Hereva Baibel oi duahia, unai ese oi ia durua emu lalometau gaudia oi hanaia totona.—Mataio 11:28-30.
Lalohekwarahi ibounai do idia ore momokani, a?
Taunimanima haida idia laloa . . . lalohekwarahi bona lalometau be taunimanima ese idia davaria gaudia, to ma haida idia laloa taunimanima idia mase murinai edia lalohekwarahi ia ore. Dahaka oi laloa?
Baibel ia gwau
Dirava ese lalohekwarahi idia havaraia gaudia do ia haorea. “Mase bona lalohisihisi, bona taitai, bona hisihisi be do idia ore momokani.”—Apokalupo 21:4.
Baibel amo dahaka gau ma haida ita dibaia diba?
Dirava ena Basileia henunai, taunimanima be maino ai do idia noho.—Isaia 32:18.
Lalohekwarahi bona lalometau ibounai do idia ore momokani.—Isaia 65:17.
Reana Inai Danu Oi Ura
TOPIK MA HAIDA
Lalohekwarahi Karana—Baibel ese Oi Ia Durua Diba Dalana
Lalohekwarahi karana be nega aukadia ai do idia vara noho hekwakwanai badana ta. Bema oi lalohekwarahi momo, Baibel ese oi ia durua diba, a?
NEGA MATAMATA TRENSLEISEN ENA BUKA HELAGA
Lalohekwarahi be Edena Bamona Oi Haheaukalaia Diba?
Bema oi lalometau bada, Baibel ese oi do ia durua.
